Education : ఏటా లక్షల మంది విద్యార్థులు ఇంటర్ చదివి బయటకు వస్తున్నారు. ఉన్నతంగా సెటిల్ అవ్వాలనే ఆకాంక్షతో ఎన్నో ఆశలను మోసుకుంటూ వస్తున్న వారికి సరైన గైడెన్స్ లేకపోవడంతో గందరగోళంలో పడుతున్నారు. ఇంటర్ పాసైన తర్వాత విద్యార్థులకు అనేక సందేహాలు మొదలవుతాయి.
ఇంటర్ తర్వాత ఏ కోర్సుల్లో చేరాలి? ఏ కెరీర్ ఎంచుకోవాలి? ఏ కోర్సు చేస్తే ఫ్యూచర్ బాగుంటుంది? ఇలా అనేక డౌట్స్ వస్తాయి. ఇంటర్మీడియట్ పాసైనవారికి అనేక కెరీర్ ఆప్షన్స్ ఉంటాయి. ఆర్ట్స్, సైన్స్, కామర్స్, మెడిసిన్, ఇంజనీరింగ్ లాంటి కోర్సులు చేయొచ్చు. అయితే ఇంటర్‌లో సంబంధిత సబ్జెక్ట్స్ చదివినవారు ఆ తర్వాత అవే సబ్జెక్ట్స్‌తో కోర్సులు చేయొచ్చు.
ఇంటర్ తర్వాత ఏం చేయాలనే ప్రశ్న చాలా మందిలో వస్తుంది. కెరీర్ చాలా కీలకమైన ఈ దశలో తీసుకునే నిర్ణయమే ఆ విద్యార్థి భవిష్యత్‌ను నిర్ణయిస్తుంది. అందుకే ఇంటర్ తర్వాత ఎలాంటి కోర్స్ తీసుకోవాలనే డైలమా చాలా మందిలో కనిపిస్తుంది.
ఇంటర్‌లో మ్యాథ్స్, సైన్స్ సబ్జెక్ట్స్ చదివిన వారికి ఇంజనీరింగ్, మేనేజ్‌మెంట్, సైన్స్ కోర్సులు ఉన్నాయి. డిగ్రీలో సంబంధిత సబ్జెక్ట్స్‌తో బీఎస్‌సీ చదవచ్చు. టీచింగ్, మేనేజ్‌మెంట్, న్యాయశాస్త్రానికి సంబంధించిన డిగ్రీ కోర్సులు చేయొచ్చు. ఇక టెక్నికల్ కోర్సుల విషయానికి వస్తే బీటెక్, బీఈ కోర్సులు చదవొచ్చు. ఇందులో ఎలక్ట్రికల్, మెకానికల్, సివిల్, కంప్యూటర్ సైన్స్ ఇలా వేర్వేరు బ్రాంచ్‌లు ఉంటాయి.
విద్యార్థులు తెలంగాణ స్టేట్ ఇంజనీరింగ్ అగ్రికల్చర్ అండ్ మెడికల్ కామన్ ఎంట్రెన్స్ టెస్ట్, ఇంకా ఆంధ్రప్రదేశ్ ప్రభుత్వం నిర్వహించే ఇంజనీరింగ్, అగ్రికల్చర్ అండ్ ఫార్మసీ కామన్ ఎంట్రెన్స్ టెస్ట్ పరీక్ష రాయాల్సి ఉంటుంది. ఈ ఎగ్జామ్స్‌లో వచ్చే మెరిట్‌తో తమకు కావాల్సిన కాలేజీల్లో సీట్లు పొందొచ్చు. ఇంటర్ తర్వాత డిప్లొమా కోర్సులు కూడా ఉంటాయి. మెకానికల్, ఎలక్ట్రికల్, సివిల్, కెమికల్ లాంటి సబ్జెక్ట్స్‌తో డిప్లొమా కోర్సులు చేయొచ్చు.
మన దేశంలో ముఖ్యంగా సైన్స్, కామర్స్, ఆర్ట్స్ ఈ మూడు విభాగాల్లోనే కోర్సులు చేయాల్సి ఉంటుంది. వీటిలో వందల కొద్ది ఆఫ్షన్‌లు ఉన్నప్పటికీ అందులో సరైనవి, ఇష్టమైన కోర్సులు ఎంచుకోవడం విద్యార్థికి చాలా కష్టంగా ఉంటుంది.
ఆర్ట్స్ తర్వాత చేయదగ్గ కోర్సులు:
ఆర్ట్స్ స్ట్రీమ్‌ని ఎంచుకుంటే, సైన్స్, కామర్స్ కంటే తక్కువ కెరీర్ అవకాశాలు ఉంటాయని చాలా మంది అనుకుంటారు కానీ అందులో కూడా మంచి కెరీర్ అవకాశాలను అందించే కోర్సులు ఉన్నాయి.
BBA- బ్యాచిలర్ ఆఫ్ బిజినెస్ అడ్మినిస్ట్రేషన్
BMS- బ్యాచిలర్ ఆఫ్ మేనేజ్‌మెంట్ సైన్స్
BFA- బ్యాచిలర్ ఆఫ్ ఫైన్ ఆర్ట్స్
BEM- బ్యాచిలర్ ఆఫ్ ఈవెంట్ మేనేజ్‌మెంట్
BA + LL.B- ఇంటిగ్రేటెడ్ లా కోర్సు
BJMC- బ్యాచిలర్ ఆఫ్ జర్నలిజం అండ్ మాస్ కమ్యూనికేషన్
BFD- బ్యాచిలర్ ఆఫ్ ఫ్యాషన్ డిజైనింగ్
BSW- బ్యాచిలర్ ఆఫ్ సోషల్ వర్క్
BBS- బ్యాచిలర్ ఆఫ్ బిజినెస్ స్టడీస్
BTTM- బ్యాచిలర్ ఆఫ్ ట్రావెల్ అండ్ టూరిజం మేనేజ్‌మెంట్
ఏవియేషన్ కోర్సులు
B.Sc- ఇంటీరియర్ డిజైన్
B.Sc.- హాస్పిటాలిటీ అండ్ హోటల్ అడ్మినిస్ట్రేషన్
బ్యాచిలర్ ఆఫ్ డిజైన్ (బి. డిజైన్)
బ్యాచిలర్ ఆఫ్ పెర్ఫార్మింగ్ ఆర్ట్స్
చరిత్రలో బి.ఎ
సైన్స్ చదివిన వాళ్లకు అందుబాటులో ఉన్న కోర్సులు :
సైన్స్ స్ట్రీమ్‌తో ఇంటర్ పూర్తి చేసిన తర్వాత, అండర్ గ్రాడ్యుయేట్ కోర్సు కోసం అనేక రకాల ఎంపికలు అందుబాటులో ఉన్నాయి. టెక్నికల్ లెర్నింగ్‌పై ఆసక్తి ఉన్న విద్యార్థులు ఇంజనీరింగ్ కోర్సులను ఎంచుకోవచ్చు. మిగిలిన వారు దిగువ జాబితాలో సూచించిన కోర్సుల ఎంచుకోవచ్చు.
BE/B.Tech- బ్యాచిలర్ ఆఫ్ టెక్నాలజీ
బి.ఆర్క్- బ్యాచిలర్ ఆఫ్ ఆర్కిటెక్చర్
BCA- బ్యాచిలర్ ఆఫ్ కంప్యూటర్ అప్లికేషన్స్
B.Sc.- ఇన్ఫర్మేషన్ టెక్నాలజీ
B.Sc- నర్సింగ్
BPharma- బ్యాచిలర్ ఆఫ్ ఫార్మసీ
B.Sc- ఇంటీరియర్ డిజైన్
BDS- బ్యాచిలర్ ఆఫ్ డెంటల్ సర్జరీ
యానిమేషన్, గ్రాఫిక్స్, మల్టీమీడియా
B.Sc. – న్యూట్రిషన్ & డైటెటిక్స్
BPT- బ్యాచిలర్ ఆఫ్ ఫిజియోథెరపీ
B.Sc- అప్లైడ్ జియాలజీ
BA/B.Sc. లిబరల్ ఆర్ట్స్
B.Sc.- ఫిజిక్స్
B.Sc. రసాయన శాస్త్రం
B.Sc. గణితం
ఏరోనాటికల్‌ ఇంజినీరింగ్
ఆటోమొబైల్ ఇంజనీరింగ్
సివిల్ ఇంజనీరింగ్
కంప్యూటర్ సైన్స్ ఇంజనీరింగ్
బయోటెక్నాలజీ ఇంజనీరింగ్
ఎలక్ట్రికల్, ఎలక్ట్రానిక్స్ ఇంజనీరింగ్
ఎలక్ట్రానిక్స్, కమ్యూనికేషన్ ఇంజనీరింగ్
ఆటోమేషన్, రోబోటిక్స్
పెట్రోలియం ఇంజనీరింగ్
ఇన్స్ట్రుమెంటేషన్ ఇంజనీరింగ్
సిరామిక్ ఇంజనీరింగ్
కెమికల్ ఇంజనీరింగ్
స్ట్రక్చరల్‌ ఇంజనీరింగ్
ట్రాన్స్‌పొర్టేషన్ ఇంజనీరింగ్
కన్‌స్ట్రక్షన్ ఇంజనీరింగ్
పవర్ ఇంజనీరింగ్
రోబోటిక్స్ ఇంజనీరింగ్
టెక్స్‌టైల్ ఇంజనీరింగ్
స్మార్ట్ మాన్యుఫ్యాక్చరింగ్ & ఆటోమేషన్
ఇంటర్‌లో కామర్స్ కోర్సు తీసుకున్న వాళ్లు తీసుకోదగ్గ కోర్సు :
ఫైనాన్షియల్, మేనేజ్‌మెంట్ గురించి తెలుసుకోవాలనుకునే విద్యార్థులు పదో తరగతి తర్వాత కామర్స్ స్ట్రీమ్‌ను ఎంచుకోవచ్చు. కామర్స్ విద్యార్థులకు మ్యాథ్స్ ఒక ఆఫ్షన్‌ సబ్జెక్టు, కాబట్టి మ్యాథ్స్‌పై ఆసక్తి ఉండి.. ఫిజిక్స్, కెమిస్ట్రీ అంటే భయపడేవాళ్లు కామర్స్ తీసుకోవచ్చు.
B.Com- బ్యాచిలర్ ఆఫ్ కామర్స్
BBA- బ్యాచిలర్ ఆఫ్ బిజినెస్ అడ్మినిస్ట్రేషన్
B.Com (ఆనర్స్)
ఎకనామిక్స్‌లో BA (ఆనర్స్.).
ఇంటిగ్రేటెడ్ లా ప్రోగ్రామ్- B.Com LL.B.
ఇంటిగర్టెడ్ లా ప్రోగ్రామ్- BBA LL.B
CA- చార్టర్డ్ అకౌంటెన్సీ
CS- కంపెనీ సెక్రటరీ
బ్యాచిలర్ ఆఫ్ డిజైన్ ఇన్ యాక్సెసరీ డిజైన్, ఫ్యాషన్ డిజైన్, సిరామిక్ డిజైన్, లెదర్ డిజైన్, గ్రాఫిక్ డిజైన్, ఇండస్ట్రియల్ డిజైన్, జ్యువెలరీ డిజైన్
బ్యాచిలర్ ఇన్ ఫారిన్ లాంగ్వేజ్
డిప్లొమా కోర్సులు
అడ్వాన్స్‌డ్‌ డిప్లొమా కోర్సులు
సర్టిఫికేట్ కోర్సులు
ఇంటర్ బయాలజీ విద్యార్థులు మెడిసిన్ కోర్సులు చదవడానికి ఆసక్తి చూపిస్తుంటారు. మెడిసిన్‌తో పాటు బీడీఎస్, ఆయుర్వేదం, హోమియోపతి, యునానీ, బీఫార్మసీ, డిప్లొమా ఇన్ ఫార్మసీ, ఫిజియోథెరపీ, లా, మేనేజ్‌మెంట్, బ్యాచిలర్ డిగ్రీ కోర్సులు చేయొచ్చు. బయోకెమిస్ట్రీ, హార్టికల్చర్, ఫారెస్ట్రీ, కెమిస్ట్రీ, ఫిజిక్స్, హోటల్ మేనేజ్‌మెంట్, బయోటెక్నాలజీ, ఎన్విరాన్‌మెంటల్ సైన్స్, బాటనీ, జువాలజీ, జెనెటిక్స్ లాంటి కోర్సులు ఉంటాయి.
ఇంటర్ సీఈసీ విద్యార్థులు బీకామర్స్, చార్టెర్డ్ అకౌంటెన్సీ, బ్యాచిలర్స్‌లో ఎకనమిక్స్, కంపెనీ సెక్రటరీషిప్ కోర్స్, లా, మేనేజ్‌మెంట్, టీచింగ్ కోర్సులు చదవచ్చు. ఆర్ట్స్ కోర్సులు చదవాలనుకునేవారికి సోషల్ వర్క్, మాస్ కమ్యూనికేషన్ అండ్ జర్నలిజం, మల్టీమీడియా, డిప్లొమా ఇన్ ఎడ్యుకేషన్, హిస్టరీ, హ్యుమానిటీస్, ఫైనాన్స్, లిటరేచర్, ఫిలాసఫీ, సైకాలజీ కోర్సులున్నాయి.
విద్యార్థులు తమ అభిరుచికి, ఆసక్తికి తగ్గ కోర్సుల్ని ఎంచుకొని కెరీర్ రూపొందించుకోవచ్చు. అయితే ఇంటర్ తర్వాత చేయాల్సిన కోర్సులు ఎంచుకునేప్పుడు, ఆ తర్వాత కూడా ఏఏ కోర్సులు అందుబాటులో ఉన్నాయో తెలుసుకోవాలి. భవిష్యత్తులో ఏ కోర్సులకు మంచి డిమాండ్ ఉంటుందో తెలుసుకొని కోర్సులు ఎంచుకోవాలి. ఎలాంటి కోర్సులు నేర్చుకుంటే ఎలాంటి ఫ్యూచర్ ఉంటుందనే విషయంలో స్పష్టమైన వివరాలు అందుబాటులో ఉండటం లేదు.
కోర్సును ఎంచుకోవడంతో విజయం సాధించినట్టు కాదు. అది విద్యార్థికి ఇష్టమైనదా కాదా అనేది కూడా చూసుకోవాల్సి ఉంటుంది. ఆ కోర్సుకు ఎలాంటి భవిష్యత్ ఉంటుంది. ఇప్పటి వరకు ఆయా కోర్సులు చేసిన వారి కెరీర్ ఎలా ఉందనేది చూసుకోవాల్సి ఉంటుంది. ఆ కోర్సుకు సంబంధించిన స్టడీమెటీరియల్ గానీ, కోర్సు గురించి చెప్పే సంస్థలు కూడా అందుబాటులో ఉన్నాయో లేవో అవి కూడా చూసుకోవాల్సి ఉంటుంది.
